रज्जी गोसाईं द्वारा लिखित बहुत ही सुंदर गीत जिसको उन्होंने 1995 में लिखा,जब वह दिल्ली में रहते थे ।लेकिन अपनी गड्वाली संस्कृति को अपने मे समाये उन्होंने यह गीत लिखा ,जिसमे पूर्ण रूप से गड्वाली संस्कृति की झलक आपको दिखाई देगी ।
गीत को अपनी आवाज दी है -SAHAB SINGH RAMOLA जी ओर उनकी धर्म पत्नी AKANKSHA RAMOLA जी ने ।
गीत का निर्देशन किया है - VIJAY BHARTI जी ने ।
रज्जी गोसाईं द्वारा लिखित गीत के शब्द है -
तेरी तस्वीर जिकुड़ा मा लगांई ....
तेरी तस्वीर जिकुड़ा सि लगांई ....
स्वाणी रौंत्याल़ी जिया की प्यारी
मुखड़ी आंख्यों बसांई हो हो ....
तेरी समल़ौण हुंठड़्यों मा लगांई ....
तेरी समल़ौण हुंठड़्यों मा लगांई ....
अपड़ी प्यारी जिया की न्यारी
माया दिल मा लुकांई हो हो .....
--------------------
हां तेरी तस्वीर जिकुड़ा सि लगांई
तेरी समल़ौण हुंठड़्यों मा लगांई
हो हो हो ...... हो हो हो ......
ल ल ल ला ..... आ आ आ....
--------------------
सैरि सैरि रात्यों तेरा ख्यालु ख्वंयु रांद
रतिब्याणी मा कखि आंखि झपक्यांद
पिछेंदा अटकदा गैणा पुछदा मैमा
उणिदी आंख्यों निंद बिसरी कैमा
सुबेर ह्वैगी पिर्थी बिजी ग्याई
दिना सुरुवात मेरी ब्याल़ी परस्यों की चार
तेरा ख्यालु बटी ह्वाई हो हो ...
तेरी समल़ौण हुंठड़्यों मा लगांई
तेरी तस्वीर जिकुड़ा सि लगांई
--------------------
द्वफरा मा गैल्या तेरी सांची माया गैल
बैठी जांदु यखुली पंय्या डाल़ी छैल
भूख तीस निंद त्वैन लुछ्याली
कनी आफत चुची मीथैं कर्याली
घाम सरकी कि काख मा पौंची ग्याई
कनी कपाल़ि लगी मिन त्यरा ख्वल़ा कखि
मेरा चेत हरचाई हो हो ....
तेरी तस्वीर जिकुड़ा सि लगांई
तेरी समल़ौण हुंठड़्यों मा लगांई
--------------------
ख्यालु खयालौं मजि ब्याखुनी ह्वैगे
पंछि पोथला घोलू बैठण लैगे
हो हो गैरी बगत पौंछीगे जून टुकड़ी
वींमा दिखेंद तेरी स्वाणी मुखुड़ी
झम्म पड़ी अंध्यारू डांड्यों मा समाई
मन माया का औडाल़ा गैल
हैकी दुन्या पौंची ग्याई हो हो .....
तेरी समल़ौण हुंठड़्यों मा लगांई
तेरी तस्वीर जिकुड़ा मा लगांई
--------------------
लोक परलोक घुमी बौड़ीगे रात
अजि बि तेरी छुंई तेरी ही बात
अंध्या घनाघोर रात निन्यार्यों का गीत
निंद भी औण कनै प्रीत की रीत
डाल़ि बोटी चौक गुठ्यारी सुनिंद ह्वैग्याई
मि यखुली नि बिज्युं ब्वनु पराण मेरू
त्वैथैं भी निंद कख आई हो हो ...
तेरी तस्वीर जिकुड़ा सि लगांई
तेरी समल़ौण हुंठड़्यों मा लगांई
--------------------
तेरी तस्वीर जिकुड़ा सि लगांई
तेरी समल़ौण हुंठड़्यों मा लगांई
तेरी तस्वीर जिकुड़ा सि लगांई
तेरी समल़ौण हुंठड़्यों मा लगांई।
गीत का लिंक है https://youtu.be/Isep8TTvb0g
रज्जी गोसाईं द्वारा निर्मित अन्य गीतों के लिए इस channel ko subscribe kare
No comments:
Post a Comment